VELKOMIN

Hjartanlega velkomin á Jólagleði í Garðalundi. Í ár verður hún aftur með dálítið breyttu sniði út af Covid-19 en það kemur þó ekki í veg fyrir að bæði börn og fullorðnir geti átt töfrastundir í skógræktinni. Enginn stór viðburður verður haldinn en fyrstu aðventuhelgina verður kveikt á Ljósunum hans Gutta og þá verður líka búið að setja upp ævintýraheim í skógræktinni sem allir geta vonandi notið. Við hvetjum fjölskyldur til að fara saman í Garðalund og búa til sína eigin jólaævintýraferð. Það leynist margt skemmtilegt í skóginum og á ýmsum stöðum er að finna QR-kóða sem vísa á sögur, kvæði og lög sem hægt er að hlusta á. QR-kóðar virka þannig að þú opnar myndavélina í símanum þínum, berð hann upp að kóðanum og þá opnast vafri með upplestrinum.

Hér á heimasíðunni finnið þið sögurnar, vísurnar og lögin sem tengjast jólagleðinni í Garðalundi 2021 því það getur verið gaman að hlusta aftur heima. Jólaævintýrið hefst 3. desember  og lýkur ekki fyrr en 6. janúar svo það ætti að vera auðvelt að finna dag fyrir jólaferð í Garðalund. Við mælum með því að fólk taki með sér nesti og svo er nauðsynlegt að hafa bæði vasaljós og síma með í för.  Hlökkum til að heyra af ferðum ykkar þegar þar að kemur. Góða skemmtun í ykkar eigin jólaævintýraferð!